O Día da Ilustración celébrase cada ano o 30 de xaneiro,
coincidindo co día do nacemento de Castelao. Ademais de lembrar e reivindicar o
papel dos profesionais da ilustración na industria cultural, cada ano é
homenaxeado un ilustrador histórico galego. O protagonista deste ano é Reimundo Patiño. Desde LIBROLANDIA achegámonos a este artista, pioneiro da Banda Deseñada
galega, a través dun vídeo e amosamos
outros ilustradores galegos que o seguiron e dos que temos exemplares na nosa
biblioteca. Por último animamos ao noso alumnado a realizar as súa propias
bandas deseñadas empregando unha aplicación gratuíta ou lembrando os titoriais
de Xosé Tomás cos que xa traballamos en anos anteriores.
A Curuxa Catuxa preséntavos o novo blog de Librolandia, a biblioteca do Ceip Graxal, no que poderedes ver actividades, videos, contos e moitas máis cousas realizadas na biblioteca.
