Graxal Otaku

 Velaquí os gañadores do concurso de debuxo manga. Noraboa rapazada!

 Recibiron cadanseu agasallo .Un libro manga mais un bolígrafo solidario "un xoguete unha ilusión", da fundación "Crecer jugando" .

Códigos Qr para ás familias

 Éste ano as familias reciben a guía de lectura neste código Qr. 

Bo Nadal e a gozar coa lectura!

DOUS, CATRO OU SEIS... PÍDELLE LIBROS AOS REIS. GUÍA DE NADAL 2021

 

Xa chega de novo o Nadal e con el as recomendacións de libros e xogos de LIBROLANDIA.

PROGRAMAS DE RADIO SOBRE AS CORES!

Ao longo deste trimestre, o alumnado de 4ºB estivo realizando un traballo sobre as cores coa mestra en prácticas Andrea Pérez Morandeira, o titor do grupo e a mestra de ciencias da natureza. Todo o elaborado, recolleuse nun blog elaborado por ela, ao cal poderedes acceder pulsando no seguinte enlace:

https://candadosvivosdecores4b.blogspot.com/

Para comunicar todo o aprendido decidiuse realizar uns programas de radio. Cada un dos grupos tiñan unha cor (vermello, laranxa, amarelo, verde, azul e violeta). Nestes podcast tratarán sobre as connotacións de cada unha delas, así como de outros aspectos; como se forman as cores, que teñen en común as cousas coa mesma cor, cores primarias e secundarias... Esperamos que vos gusten!

Impresora 3d

 A rapazada de Cuarto A deseñou  co programa Tinkercad bolas de Nadal para a imprimir na impresora 3d. Somos biblioteca creativa!

15 DE DECEMBRO, DÍA OTAKU. MANGAS E I CONCURSO DE DEBUXO OTAKU/2021

A palabra otaku (おたく, オタク, ヲタク^?) emprégase popularmente en Xapón e en outros países e  converteuse en sinónimo de persoa con afeccións apaixonadas ó anime ou manga.

En LIBROLANDIA queremos celebrar esta data estreando novos títulos de mangas e propoñendo o 

I  Concurso de debuxo Otaku/2021. Aquí tedes algúns dos novos mangas e as bases do concurso.  Os debuxos do concurso publicaranse no Facebook de LIBROLANDIA  e haberá un premio ó debuxo con máis " ME GUSTA". 

 

OS VOLCÁNS 6º INFANTIL

As nenas e nenos de 6º de infantil estiveron investigando sobre os volcáns. Neste vídeo amosan algunhas das cousas que aprenderon.

MOUCHO LEROUCHO

Estamos contentos a rabiar, despois de moito tempo por fin o Moucho Leroucho volveu a visitarnos.

Xa votábamos en falta o seu acordeón, as súas cancións, os seus contos e poder espertalo cando adormece. 

Onte estivo co alumnado de 1º de primaria e 4º de Infantil e hoxe gozamos cos seus contos a rapazada de 5º e 6º de Infantil.

 

NOVEMBRO, MES DA CIENCIA EN GALEGO NAS BIBLIOTECAS

 Rematou o mes de Novembro, e presentamos unha recompilación das actividades que se realizaron relacionadas coas ciencia. Neste Genially poderedes atopar a exposición con aportacións de numerosas aulas e un montón de actividades como obradoiros nos que se empregan os fondos e materiais da biblioteca, visitas escolares, a visita de expertas como nais e Carmen a nosa compañeira do equipo de limpeza, emprego da impresora 3D e os comezos do noso Club de ciencias.

Non deixedes de descubrir todo o que aprendemos neste mes da ciencia!

Colaboradores formándose na 3D

Un pequeno grupo de colaboradores de 5º e 6º estanse formando no uso da impresora 3D e comezan a facer os seus primeiros deseños empregando a aplicación Tinkercad. Pronto poderán actuar como formadores compartindo cos seus compañeiros todo o que van aprendendo.

Mes da ciencia en galego

En tercero C estiveron a experimentar coas cores dos alimentos . Engadiron a auga de lombarda acedos e bases en diferentes proporcións para acadar tódalas cores. 

A cromatoloxía dos alimentos por Tercero C

 

1º VÍDEO BIBLIOCIENCIA: A CONTAMINACIÓN DOS PLÁSTICOS

As colaboradoras do Club de Ciencias, Noela e Candela comezan unha serie mensual de vídeos nos que nos informan sobre temáticas relacionadas coa AXENDA 2030 e ofrecen consellos para acadar os obxectivos de desenvolvemento sustentable.

25 Novembro no Graxal

Coma todos os anos desde o CEIP P GRAXAL non queremos deixar pasar esta data sen traballar co noso alumnado a importancia da igualdade e da loita contra a violencia de xénero.

Desde a biblioteca fixemos unha pequena escolma de lecturas pola igualdade moitas das cales xa se atopan repartidas polas aulas nas caixas para a hora de ler.

O equipo de actividades extraescolares e complementarias organizou unha actividade na que participaron todas as nenas e nenos do centro aportando unha bolboreta para un mural que leva por lema "FRONTE A VIOLENCIA DE XÉNERO SÓ CABE UNHA RESPOSTA: NON"

 

O alumnado de 5º realizou un vídeo de repulsa contra a violencia de xénero no que comparten protagonismo co "Paraugas" símbolo do noso barrio.

 A rapazada de 6º de infantil traballou o conto de Artur e Clementina de Adela Turin e fixeron un pequeno traballo que expuxeron na fiestra da aula.

Radio Na Escola

 Hoxe foi a quenda de cuarto A para a formación de radio na escola. 

Recibiron formación do compañeiro de Loreto Silvoso no programa das mañás de Radio Voz Coruña , Pablo Portabales.

Dalle ao play

Radio na escola

 Contamos coa visita de Loreto Silvoso de Radio Voz para a formación do programa Radio na escola.

A cativada de cuarto puido gozar coa simpatía e a profesonalidade da locutora de radio Loreto Silvoso que aprendeulles diversas técnicas para ser radio falantes.

Dalle ao play 

Mes da ciencia en galego

 A rapazada de cuarto co acompañamento da mestra Andrea Pérez nun obradoiro sobre a luz e as cores. 

Pronto poderedes ver o vídeo completo coa exposición de todo o que se está a facer éste mes no centro.

MES DA CIENCIA EN FAMILIA: ARQUITECTAS E BIÓLOGAS EN 5º DE INFANTIL

A rapazada de 5º de infantil coa axuda das familias está traballando un montón neste mes da ciencia.

Onte contaron coa presenza dunha nai e un pai arquitectos que lles amosaron como se empregaban un escuadro, un cartabón e un compás, tamén trouxeron maquetas e traballaron co plano do colexio para facer unha busca do tesouro.

Hoxe visitounos unha nai bióloga que coa axuda dun papá explicoulles temas moi interesantes, relacionados co proxecto do corpo humano que están traballando, como o funcionamento dos sentidos. Falaron do oído, do equilibrio e as ondas, do sentido do tacto, descubrindo os receptores nerviosos, onde hai mais ou menos, da vista empregando ilusións ópticas...

Grazas á colaboración das familias podemos contar con grandes expertos que lles axudan a investigar nos proxectos.

                                                                                                                                 

Impresora 3d

A rapazada de quinto e sexto están a colaborar aprendendo a imprimir e deseñar na impresora 3d , estes colaboradores formarán aos seus respectivos compañeiros.

Para comezar imprimiron unha célula para a exposición do mes da ciencia en galego. 

Día das librerías

Co gallo do día das librerías saimos co alumnado de terceiro e quinto na procura de libros para a nosa biblioteca. Non hai mellor xeito de asegurarnos que as lecturas sexan atractivas para a rapazada que cando as escollen eles mesmos. Visitamos a librería Ler do Temple pola proximidade ao centro, para facer a compra

Novos podcast de Radio Curuxa

ROBLOX ENTREVISTA A MESTRA RUTHMOTO GP E FÓRMULA 1

OBRADOIROS DE APRENDIZAXE EN 6° DE INFANTIL

A rapazada de 6° de infantil emprega a biblioteca para traballar no seu proxecto de investigación. Os diferentes materiais manipulativos axudan ás nenas e nenos para ampliar e reforzar os seus coñecementos sobre "As cores do outono".

 

TEMPO DE LECER EN LIBROLANDIA

Neste curso, Librolandia abre nos dous recreos, para que por turnos, para non mesturar os grupos burbulla, cada aula poida ir e facer uso dos materiais que alí temos. 

Aquí tedes ó alumnado de 4° e de 2°.