MULLERES CO MUNDO NA CABEZA

MULLERES CO MUNDO NA CABEZA Durante o pasado mes de marzo o equipo de dinamización da lingua galega coa colaboración de Librolandia, estivo preparando unha exposición que leva por título "MULLERES QUE LEVAN O MUNDO NA CABEZA". Os traballos realizados polo alumnado para o 8 de marzo, día da Muller xunto coas aportacións das familias forman parte desta exposición. 

Día de Rosalía

Como cada ano no Ceip. Graxal festexamos o día de Rosalía de Castro.

Nos corredores do cole a propia Rosalía expón algunhas das suas obras ademais de diferentes obras nas que ela é a protagonista.

Pero non o perdades ! ... A rapazada de Terceiro C entrevistou a Rosalía de Castro en Radio Curuxa

Para rematar esta data de aniversario , toda a rapazada do cole agasallou a nosa Rosalía cun fermoso muro de fitas de cores coas súas verbas. 

As cores das verbas de Rosalía

 

DÍA DA RADIO: OS 12 PRIMEIROS PODCAST DO CURSO 2021-2022 EN RADIOCURUXA.

Nada mellor que a celebración do día da radio, no 13 de febreiro, para facer balance do uso da radio neste curso 2021-2022.Neste primeiro trimestre que pasou do curso RADIOCURUXA non parou de funcionar. Comezamos con dúas xornadas de formación a cargo de Loreto Silvoso e Pablo Portabales para continuar empregando as ondas para comunicar o aprendido nos proxectos da aula, para facer entrevistas e para dar a coñecer algunhas das afeccións do noso alumnado. 📻📻📻📻📻📻📻📻📻📻📻📻📻

 

PROGRAMAS DE RADIO SOBRE AS CORES!

Ao longo deste trimestre, o alumnado de 4ºB estivo realizando un traballo sobre as cores coa mestra en prácticas Andrea Pérez Morandeira, o titor do grupo e a mestra de ciencias da natureza. Todo o elaborado, recolleuse nun blog elaborado por ela, ao cal poderedes acceder pulsando no seguinte enlace:

https://candadosvivosdecores4b.blogspot.com/

Para comunicar todo o aprendido decidiuse realizar uns programas de radio. Cada un dos grupos tiñan unha cor (vermello, laranxa, amarelo, verde, azul e violeta). Nestes podcast tratarán sobre as connotacións de cada unha delas, así como de outros aspectos; como se forman as cores, que teñen en común as cousas coa mesma cor, cores primarias e secundarias... Esperamos que vos gusten!

NOVEMBRO, MES DA CIENCIA EN GALEGO NAS BIBLIOTECAS

 Rematou o mes de Novembro, e presentamos unha recompilación das actividades que se realizaron relacionadas coas ciencia. Neste Genially poderedes atopar a exposición con aportacións de numerosas aulas e un montón de actividades como obradoiros nos que se empregan os fondos e materiais da biblioteca, visitas escolares, a visita de expertas como nais e Carmen a nosa compañeira do equipo de limpeza, emprego da impresora 3D e os comezos do noso Club de ciencias.

Non deixedes de descubrir todo o que aprendemos neste mes da ciencia!

OBRADOIROS DE APRENDIZAXE EN 6° DE INFANTIL

A rapazada de 6° de infantil emprega a biblioteca para traballar no seu proxecto de investigación. Os diferentes materiais manipulativos axudan ás nenas e nenos para ampliar e reforzar os seus coñecementos sobre "As cores do outono".

 

PDI: As cores no mundo

Co gallo do día das bibliotecas arranca o novo proxecto

Este ano quixemos contar coa participación de toda a comunidade educativa para coñecer 

Que son as cores no mundo?

É importante contar con todas as vosas palabras para que a nosa rapazada comece a crear...

A biblioteca escolar ten as VOSAS PALABRAS #aBEtenapalabra 

Recollimos todas estas ideas neste mural deseñado por Andrea Pérez Morandeira

#bescolaresgal #DíaDasbibliotecas #LerAprenderDescubrir #bescolaresaberta #aBEtenapalabra